من طرف !همسـ شقاوة ـة! الإثنين أغسطس 02, 2010 1:17 pm
الجـزء الأول
الفصـل الأول
دخـل رجـال لــه هيــبه ومــعاه ثـلاث حريم واطفال
دخلــو للبــيت الكــبير أو مثــل مايسمونـــه قصـــر
عبــاره عن اربــع أدوار .. كــل دور أحلى من الثـــاني ومليــان بالأثــاث الفخــم
اللــي زاد من حـلاة البيت اكثـر و أكثــر ..
بـو بـدر بصـوت الخشن و الرجـولي : يلا كـل واحد يتفضل عـند جنـاحه ومابي اسمع أي صـوت اليــوم زوجتـي الرابعه راح تجـي
التفتو الحـريم علـــيه
بو بدر : ليه تناظروني كذا ..؟ ماظن إني قلت شـيء غلط والشرع حلل أربــع
أم بدر : حياها الله وإن شاء الله جناحها راح يكـون جاهز
أم مساعد بـغيره : طيب منو هـذي اللي راح تاخذها ان شاء الله
عقد حواجبه و تدخلت أم فراس : تقصد يعني من ويـــن اللي راح تاخذها
عقــد حواجبه أكثــر وقال : يهمكم تعرفون ..؟
الكـل : اكيد
بو بدر : أمريـــكيــه
سمــع شهقاتهم اللي تعــالت بســـرعه بـ مجرد ماعرفو إن هالمره راح يتزوج أمريكيــه
وهو فـــاهم غيرتهم .. أبتسم على جنـب وطلع من القصــر
أم مساعد : ياويلي راح ياخذ امريكيه علــي ..؟
ام فراس : عــاد أمريــكيه مره وحده
أم بدر : ماتوقع شيء غريب على بو بدر لا تنسون أني انا سعوديه وانتي يا أم مساعد أمارتيه وانتي يا أم فراس كويتيه
أم فراس : بـس عربيـــــات ...! هالمـــره وحــده غريبـــه
ام مساعد : اللـــه يعين
ام بدر : خلــونا نتــوكل على الله ونروح عند جناحنا و ادعو ان الله يثبتنا حـق هذا القصـر ومايغيره
ام فـراس : الله يسمع منج هذا أحلى قصـر دخلنـــاه
بـــعد مـــــــرور ستــه وعشــرون سنــّه ..
بـدر لابس ثــوبه وشمــاغه وكاشخ ودخلت عليه اخــته وجن برجتها
بدر : اووف كم مــره قايل لك طقي البــاب قبل لا تدخلين
وجــن : يـو صح نسيت ..... طلعت من الغرفه وسكرت الباب وطقت البـاب : ممكن ادخل
بدر : هههههه أدخلي
وجن : آممم بدور طلبتــك لا تردني
بدر : أطلبــي
وجن : أبي اسكريم بـاسكن بـ الشوكلاته
بدر : خـلاص بعد مارجع اجيب لك أنتي مع وسن
وجن : لا مابــي لا تجيب حـق وسن بس انـا
راح اعرفكم على الشخصيـات
أم بــدر (سعوديه) / هي الزوجــه الأولى أولادها ..{ بدر (28 ) ، وسن وجن توأم (22) ، بندر (20)...}
أم فراس( كويتيه ) / الزوجـــه الثانيه أولادها ..{ فراس (26 ) فـداء (24 ) فيصل (22) اسيل و بسيل توأم (20 ) ..}
أم مسـاعد ( امارتيه) / الزوجــه الثـالثه أولادها ..{ مساعد ( 26 ) تـركي (24 ) سـاره ( 18 ) ..}
أم اليـاس ( امريكيه ) /الزوجــه الرابعه توفت بعد ماجابت الريم اولادها..{ اليــاس ( 20 ) الريـــم ( 18)
فداء واهي تنادي : بــدر بــدر
بدر التفت عليها : هـلا
فداء : ممكن توصلني حق الجامعه وأنت بطريقك
بدر : أوكـي يـلا استعجلـي أنتظرك بـالسياره
فــي الصـاله الكبـــيره اســيل تـركض وتوأمها بسيل يركـض وراها ..
بسيل : اسيلــوه لو الحين ماتجبين الجوال بجيبك بالنعلــه على راسك
اسيل : لا لا ماافي ماراح اعطيك الجوال الا لما امـي تشوف فضايحك يامراهق أجـل تكلم بنــات هــا
بسيل : يـالهبله أنتي ماتفهميـن الرساله جــايه لي بالغلط
وقفـــت اسيل يـوم شـافت بسيل أخوها وقــف من التعب ... ورفعت الجــوال واهي تحــوس فيه
بسيل أشـوي اشوي يمشي وراها لما مسكها من شعرها
اسيل واهي تصارخ : آآآآآي فكنـــي والله لأقول عليك أبــوي
بسيل : عطيني الجوال وأفكك
اسيل بعناد : ماراح اعطييييك الجوال وفكنـــــي آآآآي والله تعورني
بسيل : أنتي عنيده وأنـا اعنــد منــك
اسيل : لا أنــا اعند منك
بسيل وهو يسحب شعرها أكثـر : بتعطيني الجــوال ولا انتف شعرك هذا
اسيل : آآآآآآآهـ بسيـــل فــكني والله تووجع مرررره
دخــلت وســن الصاله من رجتهم : يـــــــــاهووه أزعجتو خلــق الله وانتو كل يوم على ذي الحـاله
اسيل : وســن تكفيين فكيــــه عنـــي شعــري رااح فيها
قـربت وسن بتفاككهم
بسيل : وسنـــوه رجعي مكانك ولا ترى بشــوف شغلي معاك انتي الثانيه
وسن واهي ترجع على وراء : لا خلاص والله بـرجع مو ناقصه أنـا
اسيل : بسيــل خلاص والله اعطيك الجوال بــس فك عنـــي
بسيل وهو يفكها : يـلا هــاتي الجــ..
ماكمـــل كــلامه الا أسيــل اختفت من مكانها
وسن : ههههههه بسـرعه بتروح عند امك الحق عليها قبـل لا تفضحك
فــي الصـاله الثانيـــه الدور الثــاني
بنــدر ماسك الجـوال ومنــزل راسه ويحــوس فيه سمع صراخ اسيل وبسيل اللي مرو من جنبــه رفع عيـونه عليهم
من غيـر مايرفع راسه ورجــع ينــاظر الجــوال ..
نــزل فيصـل من الدور الثـالث وهو يتحمد ويتشكر على اسيل وبسيل : والله حــاله هالبيت فـوق ساره وتركي وتحت اسيل وبسيل ...
شــاف بندر وجلــس جنبـــه : أخبــارك بندر
بندر من غير مايرفع راسه : بخير
فيصل : وش رايك اليوم تجي معاي الأستراحه تغير جو
بندر وهو يقوم : شكرا
فيصل : تعـــال
مارد عليه بنــدر وصعــد غرفـــته
فيصل يكلم حاله : اووف مافي احد صاحي بـ هذا البــيت معقــوله بــس أنـا
وجــن : وأنــا وين رحت
فيصل : أنتي أول المجـــانين
وجن : أفــا فصــول أنـا احبك
فيصل : حبتك القــراده قـولي آمين
أشــوي وجــاو اسيل وبسيل ..
فيصل : هـا خلصـــتو ياتوم وجيري
وسن : هههههاي جبتها
بسيل : هاهاها رجعيها
اسيل : تنكت مع وجهــك
بسيل : لا أخترع نكتــه
فيصل : أوووه بسيل سخــيف مره
أشـــوي وجــاو تـركي وســاره
فيصل : إيـــوه كملــو تويتي وسلفستر
بسيل واسيل وسن: هههههههه
تركـي : هاها بايخه
ساره : وعاد شـوف منو اللي يضحك توم وجيري
أشــوي وجات و جــن ومسـاعد
لمــا تجمعــو الأخوان كلهم
كــان الصــاله فــوضى والكــل يسـولف من جهه
فجـــــــــــــأه عم الهــدوء وهم ينـاظرون أبـوهم اللي نــزل بـ هيبته
بـو بدر : أنــــــا كم مره قلت لكم لا تتجمعــــــــون أنتو ماتفهمون بنيت لكم أربع أدوار وقلت كل واحد ولـــه دور خــاص وش اللي خلاكم تنزلون هنــا
نــزلو راسهم بـضيقـــه ودهم يعرفـــون سـر أبـوهم ليــه مايبيهم يتجمعــون مع بعض ..
بو بدر : اليـاس الريم يـلا أنزلو الدور الأرضي واقفلــو الباب وانتو يلا كل واحد ويروح الدور المخصص حـق أمه واذا تبــغون تطلعون عندكم بــاب يــوصل لـ شارع
راح الكــل عند جنــاحه بـ ضيقـــه
فـــي الدور الاول
اليــاس والريم
راح أوصف لكم الريـــم متــوسطه الطـول وجسمها يجنن وبيضـــه وشعرها طويل يوصل لأخر ظهرها أشقـر على خصـل ذهبيه وعيونها أخضـر فاتح وشفايفها كأنهـم تــوت عيـونها وسـاع بـ ختصـار بنت فـائقه بالجمـال وطبعاً جمالها ماخذته كلـه من أمها الامريكيه .. وأهي اجمـل وحده من خواتها ... هــادئــه تحـب تسولف وتضحك بس مو كثــير عيــونها فــيها نبــرة حــزن وهــي حزنها على وفــاة أمها قبــل لا تشوفها يعنــي يتيمـــة الأم
أما اليـاس أبيـض وشعره ناعم وطـويل يوصل لـ رقبتــه ودايم يحط جل علشان يرجع شعره على وراء ولون شعره زي أخته الريم على اغمق أما عيــونه عسليــه وجسمــه طــويل وأشــوي عريـض البنــــــات خــقق علـــيه بس هـو مو عاجبـــه شكلــه لان من وهو صغير أخوانه دايماً يقولون له انت بنـــت ويسمـونه ( اليــوس ) هــادئ زي الريـــم يحب يسولـف ويضحك بس مو كثــير يعني كله على بعضــه الريم
الريم : اليـاس ليش أبـوي مايبينا نجلــس مع بعض يعني أنـا اشوف الأبو يفرح في عياله اذا شافهم مع بعض
اليـاس : نــذاله فــيه
الريم : لاتقــول عن أبوي كذا يمكن هــو يشــوف شيء احنا مانشوفه
الياس : اجـل بـالله علـيك وش تسمينه هذا كل ماشافنا مع بعض قام يصارخ وكذا تركيــه عنــك وقومي سـوي لي شـيء أكله
الريم : اليــوس انت تدري اني ماعرف اطبخ والحين راح يستوي الغداء
الياس : عيدي وش قلتي ؟
الريم بـبراءه : ماعرف اطبخ
الياس : لا اول كلمه قلتيها
الريم : اليـوسـ يؤؤ والله نسيت
الياس وهو يضربها بـخفه : عيديها المــره الثانيه
فـي الدور الثـــاني ( أم مسـاعد )
: ماما لـيش ابـوي مايخلينا نجلس مع بعض
ام مساعد : أبـوج من تزوجــته وهو جذي
تركي : معقوله يمــه
ام مساعد : إيي معقـوله وبعدين احسن زين يسـوي فيكم أنا اصلا مابيكم تجلسـون مع اخوانكم
ساره : لــيش يمــه احنا ماشفنا منهم شـيء
ام مساعد : خلاص عاد سكــرو الســالفه
دخـل مساعد : السـلام عليكم
الكل : وعليكم السـلام
مساعد : ليش البـاب الأرضي مقفـول ؟
ساره : يعني مـاتعرف أبــوك
ام مساعد : ساره خلاص عاد
تركي : يـلا أنـا بنام سوير الســاعه خمس ونص صحيني
ساره : مابي مابي تقولي صحيني واذا صحيتك تضربني
مساعد : خلاص انا بصحيك
تركي : لا إلا انت مابيك تصحيني خلاص ماراح أنـــام
فـي الدور الثــالث ( أم فــراس )
فراس : وين فداء ...؟
اسيل : راحت الجامعه مع بــدر
أم فراس : راحت مع بدر ..؟
اسيل : يــس
ام فراس : فراس قوم رجعها قبـل لا يرجع أبــوك الحين ويســوي ســالفه لها
فراس : يووه يــمه مــالي خلـــق بترجــع الحين وإن شـاء الله ابوي ماراح يدري عن شيء
فيصل : أنـا الحين أقــوم اجيبها
بسيل : لا انا بقــوم
فيصل : أقـــول خلك مكـــانك احسن
اسيل : لا انت ولا هـو انا بــروح
فراس : المسكينه تحسب نفسها في الكويت تقدر تسوق
فيصل : هههههاي هذي سعـــوديه
اسيل : يمــه قولي حق ابوي نروح الكويت أبــي اسووق سياره
بسيل : يعني بتروحين علشــان سيــاره بس
دخلت فداء : السـلام عليكم
الكل : وعليكـــم الســلام
الدور الرابع وأخر دور ( أم بدر )
بعد مادخل بــدر
وجن : وين الأسكريم
بدر : يـــوه نسيت ماجبته
وجن : يــو بدروووووه تعبت وانا انتظر وبالأخير ماجبته
وسن : شنو شنو أي اسكريم واي باسكن وأي هرفـي واي كودو
بدر : هههههههه بس بس قلتي اسمــاء المطاعم كلهـــا ..
اليـــوم الثـــاني الصبــاح الســاعه ست صبــاحـاً
الكــل يتجهز البــعض حق المدرسه والبعــض للجــامعه
فــي مدرسة الثــانويه للـ بنــات هنـاك يدرســون ..{ اسيل بالثـالث ثانوي ، و ساره والريم بـ ثاني ثانوي
خلــوني أوصــف لكم سـاره طولها وجسمها زي الريم أختها بشـرتها برونزيـــه عيــونها مو وسـاع لكــن مكحــله من الله شعرهـا ناعم وطــول شعر أختها الريم يـوصل لأخر الظهر وأســـود سواد الليل ... ورجـــه بـمعنى الكلمخ
ساره : الريــم تعالي لا تدخلين الفصـل
الريم بهدوئها المتعاد : لا بدخـل بتجي لنا الحين معلمة العربــي
ساره : كيفك بــروح أمر على اســيل الحين
ابتسمت حق ســاره ودخلت الفصــل : السلام عليكم
: وعليكم السـلام
تقدمــت بنت مسترجـله لـ الريم ومدت يدها : مرحبا
الريم مدت يدها لها : مرحبتين
دانه قـربت من الريم بتبـوسها بـخدها ... خافت الريم وتركت يد دانه ... اما دانه ماهتمت وقربت الريم منها وباستها بخفه ..
نزلت راسها وراحت تجلــس بـمكانها لكــن المصيبه يوم دانه جلست بالكرسي اللي جنبها
دانه : منو مكانه هذا ..؟
الريم واهي تحــاول تتهرب من نظرات دانه : مكـان ساره أختـي
دانه : ساره أخــتك ..؟
الريم : ايوا
دانه : آمم على فكره أنتي احلى منها
الريم بلعت ريقها اللي جف : شكرا’
فــي فصـل سـاره والريم بعد مابدت الحصه
الريم بصـوت خفيف حـق اختها : وع ماحب حصــة العربـي
ساره : وأنـا بعــد مـاحبها أكره حصـــه
المعلمــه : الريــم ساره وبعدين معاكم وحده منكم تجي قدام بسرعه
ساره واهي تشهق بهبال : شنو بتفرقينــا لا أستـاذه تكفين لا تسوينها كفــايه بالبيت محرومين من بعض حتى بالمدرسه
المعلمه مافهمت : سـاره عن القــرقره وبســرعه تعالي قدام
قامت ساره واهي ماده بوزها وجلست قدام وكملــت المعلــمه الدرس
فــي فصـل اسيـل ..
راح أوصف لكــم اسيــل .. طـويله مــره وجسمها منــاسب على طــولها شعرها قصــير يوصل لرقبتها و قاصته أنــاناس ومصبــغه شعرهـا باللون الأحمر الحلــو وخصلتين من تحت بـاللون البنفسجــي ومن فــوق خصلـه لونها اصفر
تحــب تشكــل شعرها وكل يوم لها قصــه جديده وأصبــاغ جديده بشرتها حنطيــه يمــيل للأبيض أكثـر وعيـونها وسـاع ومكحلــه .. رجــه زي اختها ســاره وحــركيه مرره يعني مستحيل تجلس عــدل لازم تمــايل نفسها و الكـل يقول عنها خبـله من حركاتها ..وراسبه سنــه يعني المفروض تكون بالجامعه ..
مــاسكه شنطتها الطــويله تــوصل لـركبتها وكلهـا شخــابيط من كتابتها وماسكه العبـايه طقت الباب طقتين ودخلت
المعلمه : خير ..!
اسيل ببتسامه : ســوري استاذه أنـا اليوم تأخرت حيل الصبـاح
المعلمه : طيب أدخلي
دخلـت اسيل واهي توزع ابتسامات على البنــات وجلسـت كالعاده أخر وحــده وطــول الوقت مبتســـمه
فــي الجــامعه هنــاك يدرســـون ...{ بنــدر ، بســيل ، اليــاس ، فيصــل
اليــاس يمشــي مع بسـيل
بسيل : اليـوس وراك محاظره ؟
الياس : ماراح أرد عليك الا لما تقولي اليــاس مو اليـوس
بسيل : هههههههه طيب أســف اليــاس
الياس : إيي عندي محاظره بعد نص ساعه
بسيل : حلــو قـوم نروح الكوفي
الياس : أوكـي يـلا بس مابي اتأخر لاني ابي أذاكر
بسيل : ماراح نتأخر بس جوعان
شافــو بطريقهم فيصــل
بسيل : فصــول
فيصل بروقان : هاا
بسيل : ها بعينك تجي معانا
فيصل : وين بتروحون ؟
بسيل : الكوفي نفطر
فيصل : لا روحو أنتــو وراي محاظره مانيب فاضي لكم
بسيل : أحســن
دخـل فيصل قـاعته من غير مايطق الباب كالعـاده
الدكتور : كم مره قلت لك ياستـاذ فيصل تطق الباب قبل لا تدخل
فيصل : لاحوول يعني الحين بتسوونها سالفه على بس باب ..!
الدكتور : فيصل تأدب معاي
فيصل : دكـتور والله مو فاضي على هالصباح اذا عندك شيء قـوله مالي خلق تهزيئ
الدكتور : اللي عندي إنك تتفضــل بـره وراح اسجلك غياب
فيصل بهبال يتكلم بالمصري: مابينفعيش هيــك يادكتور اللـــه أنـا اليوم قـاي وانت تسجلني غيــاب ليه
الدكتور بعصبيه : فـــــيصل
فيصل : طيب طيب خلاص بطـلع
فيــــــــصل ..
جسمــه ريــاضي ويمــوت بشيء أسمه كورة قــدم شعـره طـويل بس مو ناعم ذاك الزود ودايم يرجع شعره على وراء بالجل وســيم وأسمــر بس مو ذاك الزود وشعــره أســود يعني سكـسوكتــه ســوده .... شخصيــه حبوبه عند الجميع وعند أخـوانه حنــون ومايحب يضــايق أحد ولا يحب يشـوف احد متضايق
مشــى بين الممرات وهو يــدور شلــته شافهم من بعــيد وراح لهم
فــي الكـــــوفي
بسيل : الياس شـوف بندر
لف اليــاس على بندر وشــافه يكلم جــوال ومتحمـــس مره : مـــاصدق.........!
بسيل : أحــس مو بندر يشبــه له
اليـاس : لا إلا هــو بندر
بسيــل : وش عنـــده متحمــس ويســولف أول مره اشوفه كـذا
اليـاس : ياخي بنــدر غــامض
بسيل : إيي والله من جد غــامض ساعات ودي أدخل عــــــالمه أشـوف شنو يفكر فيه وش يحــس بـه
الياس وهو يناظر الساعه : والله أنت اللي وش تحــس بــه أخرتني عن محاظرتي الله يهديك
راح اوصف لكم بنــدر ...
جسمه مثل حمد العماني وغـــــــامض مستحيل أحد يفهمه ودايم جالس بالبيت ولا يحــب يســولف مع أحد حتى مع اخوانه بس على كل هذا خقق والبنات مووووت فيه
راح بســيل عنــد أخوه بندر يبــي يعرف منو يكلم لانه بندر مو من عادته يكلم أحد .. جلــس جنبه بالكرسي
بــس بندر سكــر الخــط وقــام من على الكــرسي
بسيل يكلم حــاله : ول علــــــــيه مامداني اسمع شيء الا وسكــر وقام أروح عند محاظرتــي احســـن
بســــــيل...
حركــــاته وكــــــله يشبه اسيــل توأمتــــــــه عيونه مكحــله أطول وأعرض من اسيل حركـــي زي اســيل
وفــيه نــوع من الطفـــــــوله وهم زي اسيــل ودايم يبتســـم حتى مرات يبتسم حــق بنات واهم يروح بــالهم بعيد لووول
وهذا الفصــل الأول
طبعا فصل الأول هذا كله تعــريفات عن الأبطــال وهم فصــل الثاني راح يكون تعرف حق البقيه
آآرائكم انتقادكم تعليقــاتكم بــالتأكيد يهمنـــي...!
الرئيسية
